மொபைல் போன் பயன்படுத்தும் போது கட்டைவிரலின் இந்த பகுதி வலிக்கிறதா.?

உங்கள் கட்டைவிரல்கள் வழக்கத்தை விட சற்று பலவீனமாக இருக்கிறது என்று கூறினால் நீங்கள் அதை ஒற்றுக்கொண்டே ஆக வேண்டும். ஏனென்னில் நாம் ஒரு நவநாகரீகமான "எதற்கெடுத்தாலும் ஸ்மார்ட்போன்" என்ற காலகட்டத்தில் வாழ்ந்துகொண்டிருக்கிறோம்.

நீங்கள் வைத்திருப்பது ஒரு சாதாரணமான பீச்சர் மொபைலாக இருந்தாலும் சரி அல்லது பெஸல்களே இல்லாத முழுமையான டச் ஸ்க்ரீன் ஸ்மார்ட்போனாக இருந்தாலும் சரி - உங்களால் உங்கள் போனை எப்பொழுதும் நோண்டாமல் இருக்க முடிவதில்லை. அதன் விளைவு என்ன தெரியுமா.? - பலவீனங்கள்.!

சரி மீண்டும் விடயத்திற்கு வருவோம். உங்கள் கட்டைவிரல்கள் பலவீனமாக இருக்கிறது என்றால் உங்கள் விருப்பமான உரையாடல் பயன்முறை என்பது டெக்ஸ்டிங் மட்டும் தான் என்று அர்த்தம். இது தவறு என்று கூறவில்லை ஏனெனில் நாங்கள் உங்களை முற்றிலும் உணர்கிறோம். ஒரு கட்டத்தில் மெஸேஜ் டைப் செய்யமுடியாத வண்ணம் கட்டைவிரல்கள் மருத்துப்போகும் அல்லவா.?? அப்போது நாங்கள் சொல்வதையும் மருத்துவர்கள் சொல்வதையும் நீங்கள் உணர்வீர்கள்.!

 

ஆபத்து உண்டாகும் வாய்ப்புகள்

தொடர்ந்து டெக்ஸ்டிங் செய்துகொண்டே இருக்கும் பழக்கம் கொண்டவர்களுக்கு 'ஸ்மார்ட்போன் தம்ப்' எனப்படும் மருத்துவ நிலை ஆபத்து உண்டாகும் வாய்ப்புகள் என்று டாக்டர்கள் எச்சரிக்கிறார்கள். ஸ்மார்ட்போன் தம்ப்.? - அப்படியென்றால் என்ன.?

கீல்வாதம் போன்ற நிலைக்கு

இந்த ஸ்மார்ட்போன் தம்ப் என்பது மருத்துவ சொற்களில் தசைநாண் அழற்சிகள் என்று அறியப்படுகிறது. அதாவது ஒரு ஸ்மார்ட்போனில் தட்டச்சு செய்யும் செயல்பாட்டில் கட்டைவிரலை மீண்டும் மீண்டும் இயக்கக்கூடிய தூண்டுதலாகும். இந்த இயக்கம் மூலம் ஒரு கீல்வாதம் போன்ற நிலைக்கு உங்களின் கட்டைவிரல் செல்லும் நிலை உண்டாகும், இது தொடர்ந்து வலியும் ஏற்படுத்தும்.

கட்டைவிரலை வளைப்பதின் மூலம்

முன்னதாக, தொழிற்சாலை தொழிலாளர்களுக்கு குறிப்பாக கைத்தொழிலில் ஈடுபடும் தொழிலாளர்களுக்குத்தான் இந்த நிலைதான் அதிகமாக இருந்தது. எப்போது ஸ்மார்ட்போன்கள் நம் வாழ்க்கையில் இன்னும் கூடுதலாக ஆக்கிரமிக்க ஆரம்பித்ததோ அன்றுமுதல் இந்த நிலைகளின் அதிர்வெண் அனைவருக்கும் பொதுவான ஒன்றாக அதிகரித்தது. ஸ்மார்ட்போன் தம்ப் மூலம் பாதிக்கப்பட்ட மக்களின் வலிக்கு கட்டைவிரலை வளைப்பதின் மூலம் வளைக்கும் பொறுப்புடைய தசைநூலில் ஏற்படும் வீக்கம் காரணமாக திகழ்கிறது.

  

அனைத்துமே மோசமானவை

ஸ்மார்ட்போன்கள் நம் கைகளில் எவ்வகையான சிக்கல்களை ஏற்படுத்துகின்றன என்று பார்க்கும்போது, தசைநாண் அழற்சி மற்றும் ஸ்மார்ட்போன் பயன்பாடு ஆகியவற்றுக்கு இடையிலான தொடர்பை விளக்கும் வகையில் ரோபோஸ்டரில் உள்ள மயோ கிளினிக்கின் உயிரிமருத்துவ பொறியியலாளரான கிறிஸ்டின் ஜாவோ அளிக்கும் விளக்கம் என்னவென்றால் : "நாம் நமது தொலைபேசிகளை வைத்திருக்கும் நிலை மற்றும் அவற்றை இயக்குவதற்கு தேவையான கட்டைவிரல் இயக்கங்கள் ஆகிய அனைத்துமே மோசமானவை" என்கிறார்.

  

வேறுபட்ட எலும்புகளை

கருதுகோள்களில் ஒன்று "மூட்டுகள் தளர்வானதாகவும், மெதுவாகவும் இருக்கின்றன, அதனால் தான் அவைகள் சாதாரண நிலைமையில் இருப்பதைவிட வேறுபட்ட எலும்புகளைத் தூண்டுகின்றன. இது கட்டைவிரல் வழியாக சில சக்திகளுக்கு தேவைப்படும் இயக்கமாகும். இதுபோன்ற இயக்ககங்களை விண்வெளியில் செயல்படுத்த இயலாது" என்கிறது.

  

அசாதாரண இயக்கங்களை செலுத்த

ஆக கட்டைவிரல் எலும்புகள் மீது அசாதாரண இயக்கங்களை செலுத்த அது வலியை ஏற்படுத்தும் மற்றும் இறுதியில் கீல்வாதம் ஏற்படுத்தும் என்று எங்கள் கருதுகோள் கூறுகிறது என்று கிறிஸ்டின் ஜாவோ எச்சரிக்கிறார்.

  

இதை நாம் தடுக்க முடியுமா?

மருத்துவர்கள் இந்த ஸ்மார்ட்போன் தம்ப்-தனை முற்றிலும் தடுக்கக்கூடியது என்றே கருதுகின்றனர். நீண்ட உரை செய்திகளைத் தட்டச்சு செய்வதற்குப் பதிலாக, அவற்றை குறுகிய மற்றும் முக்கிய புள்ளியுடன் முடித்துக்கொள்ளவும். இதனால் உங்கள் கைகள் மற்றும் மணிகட்டைக்கு நீங்கள் கொடுக்கும் அழுத்தம் குறைக்கப்படும்.

  

ஸ்வைப், ஆட்டோகரெக்ட்

உங்களிடம் ஆண்ட்ராய்டு ஸ்மார்ட்போன் இருந்தால் உங்கள் உரை செய்திக்கு ஸ்வைப் அம்சத்தைப் பயன்படுத்தவும். இது மிகவும் இயற்கையான இயக்கங்களை கொண்டுள்ளதால் உங்கள் கட்டைவிரலை பாதிக்காமல் வைத்திருக்கலாம். பல ஸ்மார்ட்போன்கள் ஆட்டோகரெக்ட் தன்னியக்க அம்சத்தை உள்ளடக்கிய கீபோர்டுகளைக் கொண்டிருக்கின்றன. இதைப் பயன்படுத்தி உங்கள் செய்திகளை தானாகவே திறமையாக எழுத பழகிக்கொள்ளுங்கள். எந்நேரமும் தட்டச்சு செய்வதை குறைத்துக்கொள்ளுங்கள்.

  

இரண்டு கைகளாலும்

ஒரே கையில் ஸ்மார்ட்போனை பிடித்துக்கொண்டு அதே கையில் உள்ள கட்டைவிரல்பயன்படுத்தி டைப் செய்யும் பழக்கத்தை மாற்றுங்கள். அதற்கு மாறாக இரண்டு கைகளாலும் கருவியை பிடித்து இரண்டு கட்டைவிரல்களையும் பயன்படுத்தினால் ஒரே ஒரு கட்டைவிரல் அதிக பளுவிற்கு ஆளாகாது.

  

ஐஸ்கட்டிகளை வைத்து ஒத்தடம்

அதிக நேரம் வீடியோ கேம் விளையாடுவதை தவிர்க்கலாம். சிறிய அளவிலான உடற்பயிற்சிகளை நிகழ்த்தலாம், முக்கியமக விரல்களுக்கு கவனம் கொடுங்கள். ஒருவேளை அதீத ஸ்மார்ட்போன் பயன்பாடு விளைவால் விரல்களில் வீக்கம் அல்லது வலி ஏற்பட்டால் உடனே ஐஸ்கட்டிகளை வைத்து ஒத்தடம் கொடுக்கவும் முடிந்த வேகத்தில் மருத்துவரை அணுகவும்.

 

ஒரு எளிய குடும்பத்தில் பிறந்து, இன்று ஏறத்தாழ பல நூறு கோடிகளுக்கு சொந்தக்காரராக திகழ்கிறார் சுந்தர் பிச்சை!!!

மதுரையில் ஒரு எளிய குடும்பத்தில் பிறந்து, இன்று ஏறத்தாழ பல நூறு கோடிகளுக்கு சொந்தக்காரராக திகழ்கிறார் சுந்தர் பிச்சை.
_______________________________
பிச்சை சுந்தராஜன் பிறந்தநாள் இன்று ஜூலை 12,1972ல் மதுரையில் பிறந்த தமிழன்.
________________________________
எளிமை!
இவரது குடும்பம் மிகவும் எளிமையானது, ஆடம்பரமானது அல்ல. டிவியோ, பயணிக்க கார் போன்றவை கூட காணாத குடும்பத்தில் பிறந்தவர் தான் சுந்தர் பிச்சை.

பொறியியல் இரத்தம்!
சுந்தர் பிச்சையின் தந்தை ரகுநாத் பிச்சையும் பொறியியலாளர் தான். இவர் எலக்ட்ரிக்கல் இஞ்சினியர் ஆவார். சென்னையில் பணிபுரிந்து வந்தார் என்பது குறிப்பிடத்தக்கது.

ஊக்கம்!
தனது தந்தை தன்னுடன் பகிர்ந்து கொண்ட கதைகள் மூலமாக தான் சுந்தர் பிச்சை ஆரம்பக்காலத்தில் நிறைய ஊக்கம் பெற்றார்.

தொழில்நுட்பம்!
தனது பன்னிரண்டு வயதில் சுந்தர் பிச்சை தனது கையில் எடுத்த முதல் தொழில்நுட்பம் லேண்ட்லைன் போன்.

திறன் வாய்ந்தவர்!
தான் டயல் செய்யும் எல்லா நபரையும் நினைவில் வைத்துக் கொள்ளும் திறன் கொண்டிருந்தார் சுந்தர் பிச்சை.

ஆல் - ரவுண்டர்!
தொழில்நுட்பம் தவிர விளையாட்டிலும் கெட்டிக்காரர் சுந்தர் பிச்சை. பள்ளி கிரிக்கெட் அணியின் கேப்டனாகவும் திகழ்ந்துள்ளார் சுந்தர்.

சிறந்த இடங்களில் படிப்பு!
ஐ.ஐ.டி கரக்பூரில் பட்டப்படிப்பு, ஸ்டான்போர்ட் பல்கலைக்கழகத்தில் எம்.எஸ். பென்சில்வேனியா பல்கலைக்கழகத்தில் எம்.பி.எ படித்தவர் சுந்தர் பிச்சை.

கூகிள்!
கூகிள் உடன் 2004-ல் இணைந்தார் சுந்தர் பிச்சை. டூல்பார், கூகிள் கியர்ஸ், கூகிள் பேக், கூகிள் குரோம் போன்ற பிராடக்ட்களில் பணிபுரிந்தார் இவர்.

கூகிள் தல!
பிறகு கடந்த 2015-ம் ஆண்டு கூகிள் தலைவர் லாரி பேஜ் ஓய்வு பெற்று சுந்தர் பிச்சையை கூகிளின் தலைமை நிர்வாக அதிகாரியாக அறிவித்தார்.

வலிமையான போட்டியாளர்!
மைக்ரோசாப்ட் தலைமை நிர்வாக அதிகாரி சத்யா நாடெல்லாவிற்கு சரியான போட்டியாளர் சுந்தர் பிச்சை தான்.

காதல்!
தனது நீண்ட நாள் காதலியும், உடன் பயின்றவருமான அஞ்சலியை திருமணம் செய்து கொண்டார் சுந்தர் பிச்சை.

பிள்ளைகள்!
இவர் இரண்டு குழந்தைகளுக்கு தந்தை. சுந்தர் பிச்சைக்கு ஒரு மகன், ஒரு மகள் இருக்கிறார்கள்.

புரூக்ளின்!
மதுரையில் பிறந்த சுந்தர் பிச்சை இன்று நியூயார்க் புரூக்ளின் பகுதியில் சொந்த வீட்டில் வசித்து வருகிறார். இதன் மதிப்பு 6.8 மில்லியன் டாலர்கள் ஆகும்.

மில்லியனர்!
தற்போதைய சுந்தர் பிச்சையின் நிகர சொத்து மதிப்பு 150 மில்லியன் டாலர்கள் ஆகும்.
தமிழராலும் உலகின் மிகப் பெரிய நிறுவனத்தின் தலைமை பொறுப்பில் அமர முடியும், சாதிக்க முடியும் என நிருபித்து காட்டியவர் சுந்தர் பிச்சை. தமிழரின் திறமையை உலகுக்கு வெளிக்காட்டியவர்.

Like

Comment

கம்ப்யூட்டருக்கு ரேம்(RAM) வாங்குறீங்களா, இதை கொஞ்சம் பாருங்க...

ரேம் அதாவது ரேண்டம் அக்செஸ் மெமரி(Random access memory) உங்க கம்ப்யூட்டர் சீராக எவ்வித தொல்லையும் இல்லாம இயங்க மிகவும் அவசியமான சாதனம். கம்ப்யூட்டர் உத்தரவுகளை சேமித்து அவற்றை சீரான வேகத்தில் இயக்கும் பணியை ரேம் செய்கிறது.

அந்த வகையில் உங்க கம்ப்யூட்டருக்கு சிறப்பான ரேம் ஒன்றை தேர்வு செய்வது ஈசியான விஷயம் தான். பொதுவாக ரேம் வாங்கும் போது சில முக்கிய அம்சங்களை கவனத்தில் வைக்க வேண்டும். உங்க கம்ப்யூட்டருக்கு சிறப்பான ரேம் வாங்க நீங்க கவனிக்க வேண்டிய அம்சங்களை தொடர்ந்து பார்ப்போம்..

முகநூலில் எங்கள் செய்திகளை உடனுக்குடன் படிக்க க்ளிக் செய்யவும்.!

  

இண்டர்ஃபேஸ்

சரியான ரேம் ஸ்டிக் தேர்வு செய்ய உங்களுக்கு அவசியமான ஒன்று தான் அதன் இண்டர்ஃபேஸ். இதை செய்ய உங்களின் மதர் போர்டில் வழங்கப்பட்ட டிடிஆர் (DDR) ஸ்லாட் பற்றி தெரிந்து கொள்ள வேண்டும்.

இதை மதர்போர்டு வாங்கும் போதே கவனிக்க வேண்டும். அதாவது உங்க மதர்போர்டுல டிடிஆர் 3 ஸ்லாட் இருந்தால் அதில் டிடிஆர் 2 ரேம் ஸ்டிக் பயன்படுத்த முடியாது.

  

ஃபிரீக்வன்சி

ரேமில் கவனிக்கப்பட வேண்டிய இன்னுமொரு முக்கிய அம்சம் அதன் ஃபிரீக்வன்சி தான். குறைந்த ஃபிரீக்வன்சி கொண்ட மதர்போர்டில் குறைந்த ஃபிரீக்வன்சி உள்ள ரேம் ஸ்டிக் பொருத்தினால் இரண்டு சாதனங்களும் பாழாகி விடும். மாறாக மதர்போர்டை விட ரேம் ஸ்டிக் ஃபிரீக்வன்சி அதிகமாக இருந்தால் கம்ப்யூட்டர் வேகம் சீராக இருக்கும்.

  

ரேம் திறன்

உங்க கம்ப்யூட்டருக்கு தேவையான ரேம் மெமரி அளவு 4ஜிபி முதல் 32ஜிபி வரை கிடைக்கிறது. அதிகப்படியான மல்டி டாஸ்கிங் செய்வீர்கள் என்றால் அதிகப்படியான ரேம் பொருத்தலாம். பொதுவாக ரேம் மெமரியை கூடுதலாக நீட்டித்தால் கம்ப்யூட்டர் வேகம் அதிகரிக்கும். கம்ப்யூட்டர் ரேம் மற்றும் லேப்டாப் ரேம் முற்றிலும் வித்தியாசமானது.

  

டைமிங்

ரேம் வாங்கும் போது அதன் லேட்டென்சி செட்டிங் கவனிக்கப்பட வேண்டும். அதாவது மெமரி கண்ட்ரோலர் கம்ப்யூட்டர் தகவலை சிப்களுக்கு அனுப்ப எடுத்துக் கொள்ளும் நேரம். இவ்வாறு சிப்செட்டிற்கு தகவல் அனுப்பப்படும் நேரம் மிகவும் குறைவாக இருக்க வேண்டும். இதை மதர்போர்டின் பிஐஓஎஸ் (BIOS) மூலம் மாற்றியமைக்கவும் முடியும். இந்திய சந்தைகளில் குறைந்க லேட்டென்சி உள்ள ரேம் ஸ்டிக் விலை அதிகம்.

  

சிங்கிள் சேனல் மற்றும் மல்டிசேனல்

சேனல்களின் எண்ணிக்கை மதர்போர்டு அம்சம் ஆகும். ஒவ்வொரு மதர்போர்டிலும் சிங்கிள் சேனல், டூயல் சேனல் மற்றும் பல்வேறு சேனல்கள் இருக்கும். இந்த சேனல்களின் எண்ணிக்கை மெமரி அதன் மெமரி கண்ட்ரோலருடன் தொடர்பு கொள்ள எடுத்துக் கொள்ளும் பாதைகளை நிர்ணயிக்கும். இதனை மதர்போர்டு வாங்கும் போதே கவனமாக தேர்வு செய்ய வேண்டும்.

உங்களின் ஆண்ட்ராய்டு மற்றும் விண்டோஸ் மொபைல்போனில் தமிழில் டைப் செய்வது எப்படி.?!!!

வாட்ஸ்ஆப்பில் அழகிய தமிழில் தகவல்கள் பரிமாறக்கொள்ள விரும்புகிறீர்களா.?? அல்லது முகநூல் பக்கத்தில் உங்களின் புரட்சிமிக்க கருத்துக்களை தமிழில் போஸ்ட் செய்ய விரும்புகிறீர்களா.?? அல்லது உங்கள் ஆண்ட்ராய்டு ஸ்மார்ட்போன், டேப்ளெட் அல்லது பிசியில் தமிழ் மொழி பயன்படுத்தி ஒரு மின்னஞ்சலை உருவாக்க வேண்டுமா.? ஆம் என்றால் - நீங்கள் சரியான இடத்தில்தான் இருக்கின்றீர்கள்.

ஸ்மார்ட்போன் பயன்பாடுகளின் உதவியுடன் நாம் நமது ஸ்மார்ட்போன்களில் பல அம்சங்களை அனுபவிக்க முடியும். அந்த வகையில் உங்களின் ஆண்ட்ராய்டு மற்றும் விண்டோஸ் மொபைல்போனில் இங்கு தொகுக்கப்பட்டுள்ள வழிமுறைகளை பின்பற்றுவதின் மூலம் நீங்கள் உங்களின் வாட்ஸ்ஆப்பில், பேஸ்புக்கில் தமிழில் டைப் செய்ய முடியும்.

வழிமுறை #01

உங்கள் ஆண்ட்ராய்டு சாதனத்தின் மூலம் கூகுள் இண்டிக் கீபோர்ட் என்ற (Google Indic Keyboard) பயன்பாட்டை பதிவிறக்கம் செய்து, நிறுவவும்.

வழிமுறை #02

ஒருமுறை உங்கள் சாதனத்தில் இந்த ஆப் நிறுவப்பட்டதும். அந்த பயன்பாட்டினை உங்கள் ஸ்மார்ட்போன் ஆப் டிராயரில் இருந்து திறக்கவும்.

  

வழிமுறை #03

இப்போது பயன்பாட்டின் பிரதான திரையில் "எனேபிள் இன் செட்டிங்ஸ்" (Enable in settings) என்ற பொத்தானைத் தட்டவும்.

  

வழிமுறை #04

இப்போது "கூகுள் எனேபிள் கீபோர்ட்" என்ற ஆப்ஷனை அதன் அருகில் இருக்கும் பெட்டியைத் தேர்ந்தெடுப்பதன் மூலம் இயக்கம் பெற செய்ய முடியும் (சில ஆண்ட்ராய்டு தொலைபேசிகளில், செக் பாக்ஸிற்கு பதிலாக ஆஃப் / ஆஃப் பொத்தானை மாற்றாக இருக்கும்)

  

வழிமுறை #05

பின்னர், அடுத்த திரையில் "செலெக்ட் இன்புட் மெத்தேட்" என்ற பொத்தானைத் தட்டவும். பின்னர் "இங்கிலிஷ் மற்றும் இந்தியன் லேங்குவேஜ்ஸ்" விசைப்பலகை என்பதைத் தேர்வு செய்யவும்.

  

வழிமுறை #06

அடுத்த கட்டத்தில், கூகுள் அநாமதேய பயன்பாட்டு புள்ளிவிவரங்களை அனுப்ப ஒப்புக்கொள்கிறீர்கள் என்றால் டிக் செய்யவும் அல்லது அதை புறக்கணித்து விட்டு இடது புறம் தேய்க்க "அக்செப்ட்" தேர்வுப்பெட்டியை காண்பீர்கள் அதை தேர்ந்தெடுக்கவும்.

  

வழிமுறை #07

இப்போது, அடிஷனல் லேங்குவேஜ்ஸ் (கூடுதல் மொழிகள்) விருப்பத்தைத் தட்டவும். பின்னார் "தமிழ் & ஆங்கிலம்" என்ற உள்ளீட்டு முறை பொத்தானை இயக்கவும்.

  

வழிமுறை #08

இப்போது வாட்ஸ்ஆப்பை திறந்து, நீங்கள் தமிழ் டைப் செய்ய விரும்பும் மெசேஜ் பாக்ஸை தட்டவும். இப்போது திரையில் கூகுள் இன்க் விசைப்பலகை பாப்-அப் ஆவதை காண்பீர்கள்.

  

வழிமுறை #09

இப்போது நீங்கள் கீபோர்டின் மேல் பக்கம் "இந்திய மொழிகளின்" பொத்தானை பார்ப்பீர்கள், அதை தட்டவும், இப்போது பாப் அப் விண்டோவில் "தமிழ்" மொழியை தேர்ந்தெடுக்கவும்.

  

வழிமுறை #10

இறுதியாக, தமிழில் தட்டச்சு செய்ய ஒலிபெயர்ப்பு அல்லது நேட்டிவ் விசைப்பலகை (transliteration or Native keyboard mode) முறையை தேர்வு செய்ய உங்களால் தமிழில் டைப் செய்ய முடியும். (உடன் நீங்கள் பின்னர் எப்போது வேண்டுமானாலும் விசைப்பலகை அமைப்பை மாற்றலாம்.

இதே போன்று வைபர் ஆப்ஸ்க்கும் பயன்படுத்தலாம்.